კექსი

ინგრედიენტები:

ცომისათვის:

• კვერცხი 4  ცალი
• შაქარი 1,5 ჩაის ჭიქა
• კარაქი 200 გრ.
• ქიშმიში 100 გრამი.
• ლიმნის ცედრა
• მაწონი 2 ს/კ.
• ვანილი 5 გრ.
• ფქვილი  2,5  ჩაის ჭიქა
• მარილი მწიკვი
• სოდა  1 ჩაის კოვზი (მაწონში)

ცომი  -   გავთქივოთ   კვერცხის ცილა ნელ - ნელა დავუმატოთ შაქარი როცა მივიღებთ ბეზესავით  მასას   დავამატოთ კვერხის გულები  თითო თითო, დავამატოთ წინასწარ გამდნარი და გაციებული კარაქი,  შემდეგ მაწონი  (1 ჩ/კ სოდასთან ერთად)  შემდეგ ფქვილი, ცომი გადმოვიტანოთ ფორმაში

შევდაგათ წინასწარ გახურებულ ღუმელში, პირბველ იარუსზე, 180-200 გრადუსი,  30-35 წუთით.

გემრიელად მიირთვით !!!!!!!!!.

ვაშლის პეროგი

ვაშლის პეროგი

ინგრედიენტები:

ცომისათვის:

• კვერცხი 4  ცალი
• შაქარი 2 ჩაის ჭიქა
• კარაქი 200 გრ.
• მაწონი 1 ქილა
• ვანილი 5 გრ.
• ფქვილი  ?  ჩაის ჭიქა
• მარილი მწიკვი
• სოდა  1 ჩაის კოვზი (მაწონში)

გულსართისათვის

• ვაშლი 5-6 საშუალო ცალი
• შაქარი  100 გრამი (სურვილის მიხედვით)

თავსართი 

• კარაქი 50 გრ.
• ფქვილი 50 გრამი
• შაქარი  50გრამი 

მომზადების წესი

ცომი  -   გავთქივოთ   კვერცხის ცილა ნელ - ნელა დავუმატოთ შაქარი როცა მივიღებთ ბეზესავით  მასას   დავამატოთ კვერხის გულები  თითო თითო, დავამატოთ წინასწარ გამდნარი და გაციებული კარაქი,  შემდეგ მაწონი  (1 ჩ/კ სოდასთან ერთად)  შემდეგ ფქვილი იმდენი რაოდენობის რომ მივიღოთ  ნაზი, ფაფუკი ცომი.  ცომი გადმოვიტანოთ ფორმაში და ხელით გავაბრტყელოთ.

ვაშლის გულსართი

დავჭრათ ვაშლები თხლად მოვაყაროთ შაქარი ჩვენი სურვილისამებრ და გავაჩეროთ (ეს ყველაფერი უმჯობესია მოვამზადოთ ცომის გამზადებამდე) როცა ცომს მოვათავსებთ ფორმაში ზემოდან მოვაწყოთ ვაშლები მჭიდროთ.

თავსართი

 კარგად დაებილებული კარაქი ფქვილი და შაქარი ავურიოთ ერთმანერთში, მივიღებთ  ქადის გულივით, სქელი ქვიშისებრ მასალას ეს მოვაყაროთ  ზემოდან ვაშლებს.

შევდაგათ წინასწარ გახურებულ ღუმელში, მეორე იარუსზე, 180 გრადუსი,  20-25 წუთით.

გემრიელად მიირთვით !!!!!!!!!.

რ ა ტ ა ტ უ ი ლ ი

ინგრედიენტები

• ბადრიჯანი - 3 ცალი
• ბულგარული – 6 ცალი
• პომიდორი– 4 ცალი
• ყაბაყი – 1 ცალი
• სტაფილო – 2 ცალი
• ხახვი - 2 ცალი
• ზეითუნის ზეთი – 20 გრამი
• ნიორი – გემოვნებით
• მარილი – გემოვნებით
• პილპილი – გემოვნებით
• ქინძი
• შაშკვლავი
• რეჰანი

მომზადების წესი

მოვამზადოთ სოუსი: ბადრიჯანი დავჭრათ მრგვალ ნაჭრებად მოვათავსოთ თასში დავაყაროთ მარილი და გავაჩეროთ. შემდეგ 2 ცალი პიმიდორი მოვათავსოთ თასში და დავასხათ მდუღარე წყალი. გავარჩიოთ ხახვი და დავჭრათ წვრილად, გავახუროთ ტაფა დავასხათ ზეთი დავაყაროთ ხახვი, სტაფილო  და 3 ცალი ბულგარული დავჭრათ კუბიკებად როცა ხახვი ოდნავ მოიშუშება დავაყაროთ სტაფილო და ბულგარული წიწაკა, 2 წუთში დავამატოთ 4 კბილი დაჭრილი ნიორი, იქვე გავასუფთაოთ 2 ცალი პომიდორი დავჭრათ ნაჭრებად და როცა სტაფილო დარბილდება დავამატოთ ტაფაზე, ვაცადოთ 3 წუთი, გადავიტანოთ ბელენდერში დავამატოთ მარილი, წიწაკა, მწვანილი და დავაბლენდეროთ. სოუსი მზადაა.

ავიღოთ მინის, თუჯის ან კერამიკის ჭურჭელი ძირი მოვფაროთ წინასწარ მომზადებული სოუსით, წინასწარ დამარილებული ბადრიჯანი გავრეცხოთ და ოდნავ გავწუროთ, ასევე ოვალურად დავჭრათ ყავაყი, 2 ცალი პომიდორი, 3 ცალი ბულგარული, ოვალურად მორიგეობით მოვაწყოთ სოუსზე ბოსტნეული, თუ ჭურჭელი დიდია გამოვა ერთი რიგი, თუ ჭურჭელი საშუალო ზომისაა ორი რიგი, დავფაროთ ფოლგით და შევდგათ ღუმელში 160 გრადუსზე 2 საათით, 5 წუთით ადრე მოვხადოთ ფოლგა და ჩავურთოთ 3D ვენტილაცია,

ღორის ჩალაღაჯის რულეტი

ინგრედიენტები

• ღორის ჩალაღაჯი – 2 ცალი ჩალაღაჯი გასუფთავებული
• კარაქი – 50 გრამი
• ლიმონი – 2 ცალი
• კურაგა – 100 გრამი
• კოწახურის ჩირი – 40 გრამი
• ზეითუნის ზეთი – 10 გრამი
• ნაღები – 2 ჭიქა
• თეთრი ღვინო 2 ჭიქა
• ვაშლის წვენი – 2 ჭიქა
• ნიორი – გემოვნებით
• მარილი – გემოვნებით
• პილპილი – გემოვნებით

მომზადების წესი

მოვამზადოთ ღორის ჩალაღაჯის რულეტი: ღორის ხორცს მოვაშოროთ ძვლები და კანი. ხორცი სქელი დანით გავჭრათ შუაზე, ოღონდ ბოლომდე არა. დავბეგვოთ ხორცი ბლაგვპირიანი სპეციალური ჩაქუჩით, მოვაყაროთ პილპილი, მარილი, მოვახეხოთ ლიმნის ცედრა, წავუსვათ გაჭყლეტილი ნიორი, წვრილად დაჭრილი კურაგა და კოწახურის ჩირი რათა ღუმელში არ გამოშრეს ხორცი.

ხორცი გადავახვიოთ მჭიდროდ და შევკრათ სპეციალური თოკით. ზემოდან გადავუსვათ ზეითუნის ზეთი, მარილი, პილპილი, გადავიტანოთ ფოლგაში (სურვილის მიხედვით შეგვიძლია მაცივარში  მოვათავსოთ ერთი ღამე და მეორე დღეს მოვამაზადოთ) და ღუმელში 180 გრადუსზე 40 წუთი ვწვათ. 40 წუთის შემდეგ გამოვიღოთ ღუმელიდან ხორცი, გავხიოთ ფოლგა და ისევ შევდგათ 10-15 წუთი რომ ზემოდან მოიბრაწოს.

მოვამზადოთ სოუსი: ქვაბში ჩავასხათ 1 ჭიქა თეთრი მშრალი ღვინო, ალკოჰოლი რომ აორთქლდება დავუმატოთ 1 ჭიქა ვაშლის წვენი, ვადუღოთ 3 წუთი. შემდეგ დავუმატოთ 1 ჭიქა ნაღები, მარილი, პილპილი და არომატისთვის ცოტა ღორის ხორცის წვენი რაც დარჩება ფოლგაში, ვადუღოთ ნელ ცეცხლზე შესქელებამდე.

პ ა ს კ ა (2016 წელი)

ინგრედიენტები:

ცომისათვის 

კვერცხი 10 (ცალი)
შაქარი 1200 გრ.
კარაქი 300გრ.
მარგარინი 200გრ.
არაჟანი 200 გრ.
ფქვილი 1500 გრ. 
რძე 500 მლ.

 აპორა

რძე 500 მლ.
დროჟი 8 ჩ/კ
ფქვილი 1000 გრ.
შაქარი  3 ჩ/კ
მარილი მწიკვი

 სუნელები

  მუსკატი, მიხაკი, დარიჩინი, ჯავზი, ილი, კარდამონი (გემოვნებით, სურვილისამებრ შეგიძლიათ რომელიმე ინგრედიენტი ამოაკლოთ ან რომელიმე დაუმატოთ) ჩემს პასკას ეს ყველა სუნელი აქვს და კიდევ აქვს ერთი ლიმნის ცედარა, ყველა ამ სუნელს გავცრით და ვუმატებთ ერთ ჩაის კივზ ძალიან ძვირფას კონიაკს ან ვისკის თუ არ გვაქვს მაღალი ხარისხის ჯობია საერთოდ არ გამოვიყენოთ.

            ქიშმიში  350 გრ.
             ცუკატები 200 გრ.

    მომზადების წესი:

       პასკის გამოცხობისთვის რამდენიმე დღით ადრე უნდა მოვემზადოთ, წინასწარ მოვიმარაგოთ ფორმები რაშიც უნდა გამოვაცხოთ, მომდევნო ბლოგში ფორმების ფოტოებსაც დავდებ. ერთი დღით ადრე გავარჩიოთ ქიშმიში, გავრეცხოთ და გავაშროთ.

           თუ ზუსტად ამ რეცეპტის მიხედვით ვიხელმძღვანელებთ გამოდის 5600 გრ, ცომი რაც საკმარისია 16 ცალი  350გრ. ფორმისათვის. 

           პირველ რიგში ვამზადებთ აპორას   რძეს გავათბობთ, დავამატებთ დროჟს, ფქვილს (1000გრ), შაქარს და მარილს დავახურავთ ცელოფანს დავდგავთ თბილ ადგილას. ასაფუებლად დაჭირდება 15 - 20 წუთი.

                შემდეგ  კვერცხის გულებისაგან და  ნახევარი შაქრისაგან მოვამზადოთ გოგლი მოგლი, დავუმატოთ არაჟანი. რძე გავათბოთ დავუმატოთ მეორე ნახევარი შაქარი, გავადნოთ კარაქი, გავაგრილოთ დავუმათოთ შაქრიან რძეს, შევურიოთ წინასწარ გამზადებული სუნელები და ცედრა,  ქიშმიში  არა.

                  

                   ფქვილი (1500 გრ.) მოვათავსოთ მოსაზელ თასში დავასხათ აფუებული აპორა და დავიწყოთ ზელა, დავამატოთ გოგლი მოგლი ნელ ნელა არ ვამატებთ ფქვილს. როგრი ცომიც მოიზილება მოვაგუნდაოთ { ცომი ეკრობა ხელას და გავს ხაჭაპურის ცომს, არ შეგვეშინდეს}  დავაფაროთ ცელოფანი, სამზარეულოს ტილო, თბილი პლედი და დავდგათ თბილ ადგილას, ასაფუებლად დაჭირდება 1 სთ. და 30 წთ. აღნიშნული დროის გასვლის შემდეგ გადავზილოთ და ფრთხილად შევაზილოთ წინასწა და წინასწარ გამდნარი (მარგარინი + ზეთი), ქიშმიში, მოვაგუნდაოთ ისევ და გავაჩეროთ იგივე პირობებში 1 სთ. დროის გასვლის შემდეგ ამოვაგუნდაოთ პატარა გუნდები ზეითუნის ზეთში დავისველოთ ხელი და ლამაზი გუნდები გამოვა  ასე მოვათავსოთ საცხობ ფორმებში ისე რომ დაიფაროს ფორმის 1/3 ნაწილი, გაროხის ფორმებში კარგი იქნება თუ მოვათავსებთ 350 გრ. ჩავრთოთ ღუმელი გასახურებლად, დაველოდოთ  30 - 40 წუთი ცომი ისევ ამოფუვდება და სურვილისამებრ გადავუსვათ კვერხის გული ან არ გადავუსვათ და შემდეგ თეთრი მინანქრით მოვრთოთ. ამასობაში ღუმელიც გახურდება ვაწყობთ პირველ პოზიციაზე, 150  გრადუსზე 30 წუთი და შემდეგ ავუწიოთ 180 გრადუსზე  ვაცხობთ 30 წუთი.   3 წუთი ჩავურთოთ კონვექცია, პასკა მზადაა 

______________

მე გამომივიდა  16 პასკა ?  10 - 350 გრამიან ქაღალდის ფორმაში 6 გაროხის ყუთში!!!

მწვანე პომიდვრის სალათა ზამთრისათვის

ინგრედიენტები

• პომიდორი მწვანე 10 კგ
• ხახვი 2 კგ
• სტაფილო 1 კგ
• წითელი ბულგარული 1.5 კგ
• ნიორი 200 გრამი
• მწვანე წიწაკა 5 ცალი
• ზეთი 2 ჩ/ჭ
• ძმარი 1ჩ/ჭ
• ქინძი 1 დიდი კონა
• პეტრუშკა 1 დიდი კონა
• ცერეცო 1 დიდი კონა
• მარილი გემოვნებით
• ასპირინი 10 აბი

მომზადების წესი

დავჭრათ სასურველ ფორმებზე ყველა ზემოთ აღნიშნული ბოსტნეული, დავუმატოთ ზეთი, ძმარი მარილი მწვანილები დაფხვნილი ასპირინი და მოვათავსოთ ერთ დიდ ჭურჭელში კარაგდ ავურიოთ გავაჩეროთ 4-5 საათი, ჩავასხათ წინასწარ მომზადებულ ქილებში გავასტერილოთ წყლის ადუღებიდან 10 წუთი.

მწვანე წიწაკა ზამთრისათვის

ინგრედიენტები

წიწაკა 10კგ
ძმარი 1ლიტრი
ზეთი 1ლიტრი
მარილი1ჭიქა
ნიორი გატარებული(ზოგი წვრილად დაჭრილს უკეთებს.)
300-400 გრამი
ნიახური 1 მოზრდილი კონა
ოხრახუში 1 მოზრდილი კონა წვრილად დაჭრილი.
დაფნის ფოთოლი 5 ცალი
შავი წიწაკა 1 ჩაის კოვზი

მომზადების წესი

  წიწაკა ყიდვიდან 1-2 დღე გავაჩეროთ, გავრეცხოთ და გავაშროთ.

  ზეთი მოვშუშოთ დიდ ქვაბში, დავასხათ ძმარი (ძმარი თუ ძლიერია მაშინ ნაკლები დასჭირდება) და წამოვადუღოთ ორივე ერთად დავამატოთ დაფნა და წიწაკა შავი.,
მდუღარეს დავამატოთ მარილი. ვადუღოთ მარილი რომ დადნება ჩავყაროთ  წიწაკა და ვურიოთ ფერს ოდნავ რო შიცვლის ამოვაწყოთ თუშფალანზე და მოვაყაროთ წინასწარ დაჭრილი მწვანილი და ნიორი ცხელ-ცხელის.

    ჩავასხათ ბანკებში და გავუეთოთ სტერილიზაცია. 7 წუთი.

წითელი ბულგარული ზამთრისათვის

ინგრედიენტები

წითელი ბულგარული წიწაკა 5 კგ
ძმარი 0.5 ლიტრი
ზეთი 0.5 ლიტრი
მარილი 5 სუფრის კოვზი

შაქარი 5 ჩაის კოვზი
ნიორი გატარებული(ზოგი წვრილად დაჭრილს უკეთებს.)
300 გრამი
ნიახური 1 მოზრდილი კონა
ოხრახუში 1 მოზრდილი კონა წვრილად დაჭრილი.

შავი წიწაკის კეკლები 15 გრამი

ასპირინი 5 აბი.

მომზადების წესი

         წიწაკას მოვაცალოთ ყუნწები, გავჭრათ შუაზე გამოვაცალოთ თესლები  გავრეცხოთ და გავაშროთ კარგად.

         დავჭრათ მწვანილები წვრილად, შევურიოთ დაფხვნილი ასპირინი, და აქვე გავატაროთ ან წვრილად დავჭრათ ნიორი.    

         ზეთი, ძმარი, მარილი შაქარი, წიწაკის კეკელები მოვათავსოთ დიდ ქვაბში წამოვადუღოთ, ჩავაწყოთ ნაწილ ნაწილ ბულგარული წიწაკები და მოვშუშოთ 3-5 წუთი, ოდნავ რო შერბილდება ამოვაწყოთ თუშფალანზე.        წინასწარ მომზადებულ ქილებში ჯერ ჩავყაროთ წინასწარ დაჭრილი მწვანილი და ნიორი დავაწყოთ წიწაკები ისევ მწვანილი და ნიორი და ასე გავიმეოროთ ისე რომ სამჯერ მოგვიწიოს მწვანილის და ნიორი.

სტერილიზაცია 7 წუთი.

ჩეხური ფახლავა

ინგრედიენტები

• კვერცხი 6 ცალი
• მარგარინი 400 გრ.
• ფქვილი 6 ჩაის ჭიქა
• შაქარი 2 ჩაის ჭიქა
• ნიგოზი 200 გრ.
• ქიშმიში1 ჩაის ჭიქა
• არაჟანი 1 ჩაის ჭიქა
• მიხაკი 0.5 ჩ/კ
• დარიჩინი 0.5 ჩ/კ
•  ვანილი 5 გრ.
• მარილი მწიკვი
• კვერცხი 2 ცალი
• არაჟანი 2 ჩ/კ

მომზადების წესი

ცომი  -  გავადნოთ მარგარინი,  გავთქვიფოთ კვერცხის გულები დავამატოთ არაჟანი   და  მიღებული მასა  ჩავასხათ ფქვილში, მოვზილოთ ფაფუკი, მსუბუქი ცომი. ცომი გავყოთ სამ ნაწილად და შევდგად მაცივარში მინიმუმ ნახევარი საათი.

ბეზე -  მიქსერით ავთქვიფოთ კვერცხის ცილა კარგად რომ ამოფუვდეს მწიკვი მარილი დაუმატეთ, როცა მიიღებს ღრუბელის ფორმას ნელ-ნელა შევათქვიფოთ შაქარი, და ვთქვიფოთ დიდ ხანს სანამ არ გახდება მკვრივი კონსისტეციის,  დავუმატოთ ქიშმიში, ნიგოზი, მიხაკი,  დარიჩინი და ვანილი და  ბეზეს კრემიც მზადაა ...

თავსართი -  2 კვერცხის გული 2 ჩაის კოვზი არაჟანი კარაგდ გავთქვიფოთ.

გავახუროთ ღუმელი 200 გრადუსზე

გავაბრტყელოთ ცომი დავაფინოთ პირველი ფენა ფქვილმოყრილ ჟარონაზე (მე საცხობ ქაღალდს ვიყენებ აუცილებელი არაა) გადავუსვათ ბეზე, შემდეგ მეორე ფენა ისევ ბეზე და მესამე ფენას რო დავაფენთ გადავუსვათ თავზე წინასწარ მომზადებული თავსართი, დავჭრათ ფრთხილად სასურველ ფორმებად. შევდგათ ღუმელში მეორე პოზიციაზე 180 გრადუსი 25 – 30 წუთით.    (დასადებია ფოტო)

ჩიზქეიქი (No Bake)

ინგრედიენტები:

·         ორცხობილა (მე ვიყენებ იუბილენოეს) – 2 შეკვრა , 250 გრ

·         კარაქი – 150 გრამი

·         შაქარი – 90 გრამი

·         მდნარი ყველი Philadelphia (აუცილებლად  Philadelphia) – 2 შეკვრა

·         ტკბილი შედედებული რძე – 200 მლ

·         ლიმონის წვენი – 30 გრამი

·         ვანილის – 5 გრამი

·         მარწყვი  ან მალინა – 500 გრამი

·         ბალზამიკო – 15 გრამი

მომზადების წესი:

კარგად დავფხვნათ ორცხობილა, შემდეგ დავუმატოთ შაქარი და გამდნარი კარაქი და მოვურიოთ. მიღებული მასა ჩავდოთ ფორმაში და შევდგათ ღუმელში 5 წუთით.

ამასობაში კრემისათვის მიქსერით ავთქვიფოთ ყველი და ნელ-ნელა დავუმატოთ ტკბილი შედედებული რძე, ლიმონის წვენი და ვანილის ექსტრაქტი. მიღებული მასა დავასხათ ფორმებში განთავსებულ ცომს და მაცივარში შევდგათ 2.5 საათით.

          მარწყვი  ან მალინა, ჩავჭყლუტოთ,, დავუმატოთ1 სუფრის კოვზი შაქარი და 1 ჩაის კოვზი შავი ბალზამიკო  (ბალზამიკო არაა აუცილებელი , სპეციფიკურ გემოს აძლევს მე მომწონს) და დავდგათ ცეცზლზე წამოდუღებამდე. შემდეგ, მიღებული მასა გადავწუროთ საწურის დახმარებით და გავაციოთ. ბოლოს, მას მოვასხავთ მაცივრიდან გამოღებულ ჩიზქეიქს.

პ ა ს კ ა

ინგრედიენტები:

ცომისათვის 

კვერცხი 5 ცალი
შაქარი 250 გრ.
კარაქი 60 გრ.
არაჟანი 4 ჩ/კ 
ფქვილი 700 გრ. 

 აპორა

რძე 250 მლ.
დროჟი 4 ჩ/კ
ფქვილი 50 გრ.
შაქარი  1 ჩ/კ
მარილი მწიკვი

 სუნელები

      მუსკატი, მიხაკი, დარიჩინი, ჯავზი, ილი, კარდამონი (გემოვნებით, სურვილისამებრ შეგიძლიათ რომელიმე ინგრედიენტი ამოაკლოთ ან რომელიმე დაუმატოთ) ჩემს პასკას ეს ყველა სუნელი აქვს და კიდევ აქვს ერთი ლიმნის ცედარა, ყველა ამ სუნელს გავცრით და ვუმატებთ ერთ ჩაის კივზ ძალიან ძვირფას კონიაკს ან ვისკის თუ არ გვაქვს მაღალი ხარისხის ჯობია საერთოდ არ გამოვიყენოთ.

            ქიშმიში 200 გრ.

    მომზადების წესი:

       პასკის გამოცხობისთვის რამდენიმე დღით ადრე უნდა მოვემზადოთ, წინასწარ მოვიმარაგოთ ფორმები რაშიც უნდა გამოვაცხოთ, მომდევნო ბლოგში ფორმების ფოტოებსაც დავდებ. ერთი დღით ადრე გავარჩიოთ ქიშმიში, გავრეცხოთ და გავაშროთ.

           თუ ზუსტად ამ რეცეპტის მიხედვით ვიხელმძღვანელებთ გამოდის 1600 გრ, ცომი რაც საკმარისია 5 ცალი  ე. წ. გაროხის ფორმისათვის. მომზადებას ჭირდება ზუსტად 5 საათი. 

           პირველ რიგში ვამზადებთ აპორას   რძეს გავათბობთ, დავამატებთ დროჟს, ფქვილს, შაქარს და მარილს დავახურავთ ცელოფანს დავდგავთ თბილ ადგილას. ასაფუებლად დაჭირდება 15 - 20 წუთი.

                შემდეგ  კვერცხის გულებისაგან და შაქრისაგან მოვამზადოთ გოგლი მოგლი, დავუმატოთ არაჟანი. შევურიოთ წინასწარ გამზადებული სუნელები და ცედრა,  ქიშმიში  არა.

               გავადნოთ კარაქი.

               კვერცხის ცილები გავთქვიფოთ ცალკე ღრუბელივით.

               ფქვილი (700 გრ.) მოვათავსოთ მოსაზელ თასში დავასხათ აფუებული აპორა და დავიწყოთ ზელა, დავამატოთ გოგლი მოგლი ნელ ნელა არ ვამატებთ ფქვილს. როგრი ცომიც მოიზილება მოვაგუნდაოთ და შევაზილოთ ცილის ღრუბელი ფრთხილად  ამის შემდეგ დავაფაროთ ცელოფანი, სამზარეულოს ტილო, თბილი პლედი და დავდგათ თბილ ადგილას, ასაფუებლად დაჭირდება 1 სთ. და 30 წთ. აღნიშნული დროის გასვლის შემდეგ გადავზილოთ და ფრთხილად შევაზილოთ წინასწარ გამდნარი კარაქი და ქიშმიში, მოვაგუნდაოთ ისევ და გავაჩეროთ იგივე პირობებში 1 სთ. დროის გასვლის შემდეგ ამოვაგუნდაოთ პატარა გუნდები ზეითუნის ზეთში დავისველოთ ხელი და ლამაზი გუნდები გამოვა  ასე მოვათავსოთ საცხობ ფორმებში ისე რომ დაიფაროს ფორმის 1/3 ნაწილი, აღნიშნულ გაროხის ფორმებში კარგი იქნება თუ მოვათავსებთ 350 გრ. ჩავრთოთ ღუმელი გასახურებლად, დაველოდოთ  30 - 40 წუთი ცომი ისევ ამოფუვდება და სურვილისამებრ გადავუსვათ კვერხის გული ან არ გადავუსვათ და შემდეგ თეთრი მინანქრით მოვრთოთ. ამასობაში ღუმელიც გახურდება ვაწყობთ პირველ პოზიციაზე, 160 - 170 გრადუსზე და ვაცხობთ 50 - 60 წუთი.  

მე გამომივიდა ქუდიანი პასკები 380 გრ - იანი გუნდები ჩავაწყვე, ჯობია 320- 350 გრამიანები უფრო ლამაზები გამოვა, ეს საცდელი წინასააღდგომო პასკა იყო. აღდგომის პასკებს კიდევ იხილავთ, !!!